2015 jylǵy 26 maýsym, Astana qalasy
Ańshylyq jáne balyq sharýashylyqtary sýbektileriniń qoryqshylyq
qyzmeti týraly úlgilik erejeni bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» 2004 jylǵy 9 shildedegi Qazaqstan Respýblıkasy Zańynyń 9-baby 1-tarmaǵynyń 67) tarmaqshasyna sáıkes buıyramyn:
1. Qosa berilip otyrǵan Ańshylyq jáne balyq sharýashylyqtary sýbektileriniń qoryqshylyq qyzmeti týraly úlgilik ereje bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MAMYTBEKOV
Qazaqstan Respýblıkasy Aýyl sharýashylyǵy mınıstriniń 2015 jylǵy 26 maýsymdaǵy
№18-03/578 buıryǵymen bekitilgen
Ańshylyq jáne balyq sharýashylyqtary sýbektileriniń qoryqshylyq qyzmeti týraly úlgilik ereje
1. Jalpy erejeler
1. Osy Ańshylyq jáne balyq sharýashylyqtary sýbektileriniń qoryqshylyq qyzmeti týraly úlgilik ereje (budan ári - Úlgilik ereje) «Janýarlar dúnıesin qorǵaý, ósimin molaıtý jáne paıdalaný týraly» 2004 jylǵy 9 shildedegi Qazaqstan Respýblıkasy Zańynyń (budan ári - Zań) 9-baby 1-tarmaǵynyń 67) tarmaqshasyna sáıkes ázirlendi jáne qoryqshylyq qyzmetiniń tártibin aıqyndaıdy.
2. Ańshylyq jáne balyq sharýashylyǵy sýbektileriniń qoryqshylyq qyzmeti (budan ári – qoryqshylyq qyzmet) bekitilip berilgen ańshylyq alqaptarynda jáne balyq sharýashylyǵy sý aıdyndarynda jáne (nemese) ýchaskelerinde janýarlar dúnıesin qorǵaý fýnksııalaryn júzege asyratyn ańshylyq jáne balyq sharýashylyqtary sýbektileriniń qurylymdyq bólimshesi bolyp tabylady.
3. Qoryqshylyq qyzmeti ańshylyq jáne balyq sharýashylyqtary sýbektisi dırektorynyń buıryǵymen qurylady jáne oǵan (basshylyqqa) baǵynady.
4. Qoryqshylyq qyzmetke ańshylyq jáne balyq sharýashylyǵy sýbektileriniń qyzmetkerleri: ańshylyq jáne balyq sharýashylyǵy dırektorlary, aǵa qoryqshylar (bolǵan jaǵdaıda), qoryqshylar jatady.
5. Qoryqshylyq qyzmetti ańshylyq jáne balyq sharýashylyǵy sýbektileri óz qarajaty esebinen qurady.
6. Qoryqshylyq qyzmeti qyzmetkerleriniń jumysy Qazaqstan Respýblıkasynyń janýarlar dúnıesin qorǵaý, ósimin molaıtý jáne paıdalaný salasyndaǵy zańnamasyna, osy Úlgilik erejege negizdeledi.
7. Qoryqshylyq qyzmeti qyzmetkerleriniń laýazymdyq nusqaýlyqtaryn ańshylyq jáne balyq sharýashylyqtary sýbektisi ázirleıdi jáne bekitedi.
8. Ańshylyq jáne balyq sharýashylyǵynyń qoryqshylyq qyzmetine on segiz jasqa tolǵan, atys qarýyn saqtaýǵa jáne alyp júrýge quqyǵy bar qylmystyq jaýapqa tartylmaǵan tulǵalar qabyldanady.
9. Ańshylyq jáne balyq sharýashylyqtary sýbektileriniń dırektorlary qoryqshylyq qyzmetti qurǵannan keıin jáne aǵa qoryqshylardy (bolǵan jaǵdaıda), qoryqshylardy jumysqa qabyldaǵannan keıin janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organnyń vedomstvosy aýmaqtyq bólimshesine tıisti aqparatty (tegin, atyn, ákesiniń atyn (bolǵan jaǵdaıda), laýazymyn, qyzmettik kýálik pen tós belgisiniń nómirlerin kórsete otyryp, qyzmetkerlerdiń tizimin) beredi.
2. Qoryqshylyq qyzmeti qyzmetkerleriniń ókilettigi jáne onyń qyzmetinde paıdalanylatyn qujattary
10. Qoryqshynyń quqytary men mindetteri:
1) Qazaqstan Respýblıkasynyń ákimshilik quqyq buzýshylyq týraly zańnamasyna sáıkes keıinnen olardy janýarlar dúnıesin qorǵaý jónindegi memlekettik ınspektorlarǵa, janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti organǵa ne sotqa mindetti túrde berý úshin ákimshilik quqyq buzýshylyq týraly hattamalar toltyrady;
2) qyzmettik qarýdy alyp júrýge jáne aıyrym belgileri bar arnaýly kıim kıedi;
3) jeke jáne zańdy tulǵalardyń ań aýlaýǵa jáne balyq aýlaýǵa quqyq beretin qujattaryn tekseredi;
4) ań aýlaý qaǵıdalaryn buzǵany úshin atys qarýyn keıinnen ishki ister organdaryna mindetti túrde berý úshin alady;
5) Qazaqstan Respýblıkasynyń janýarlar dúnıesin qorǵaý, ósimin molaıtý jáne paıdalaný salasyndaǵy zańnamasyn buza otyryp paıdalanylǵan aýlaý quraldaryn, zańsyz aýlap alynǵan ań aýlaý jáne balyq aýlaý ónimderin, tyıym salynǵan aýlaýǵa arnalǵan qarý túrlerin keıinnen janýarlar dúnıesin qorǵaý jónindegi memlekettik ınspektorǵa berý úshin alady.
6) bekitilip berilgen ańshylyq alqaptarynda jáne balyq sharýashylyǵy sý aıdyndarynda jáne (nemese) ýchaskelerinde janýarlar dúnıesin qorǵaýdy qamtamasyz etedi;
7) ań aýlaý jáne balyq aýlaý qaǵıdalaryn, ańshylyq sharýashylyǵynyń ishki reglamentin, órt qaýipsizdigi qaǵıdalaryn, sondaı-aq tynyshtyq aımaqtarynda janýarlar dúnıesin paıdalanýǵa qoıylǵan shekteýler men tyıym salýlardy buzýshylyqtardyń jolyn kesedi;
8) jeke jáne zańdy tulǵalardan janýarlardyń qyrylýyna jáne olar mekendeý ortasynyń buzylýyna ákep soqtyratyn áreketterdi toqtatýdy talap etedi;
9) janýarlar dúnıesi obektileriniń mekendeý ortasyn, olardyń kóbeıý jaǵdaılaryn jáne shoǵyrlaný oryndaryn saqtaý jóninde sharalar qoldanady;
10) janýarlar dúnıesine uqypty jáne izgilikti qaraý nasıhatyn júrgizedi;
11) janýarlar aýyrǵan jáne dúleı zilzala kezinde qyrylý qaýpi tóngen jaǵdaılarda janýarlar dúnıesi obektilerine kómek kórsetý jóninde sharalar qoldanady;
12) anshlagtardyń saqtalýyn qamtamasyz etedi.
11. Qoryqshylyq qyzmetiniń jumysynda mynadaı qujattar paıdalanylady:
1) dırektor:
oblystyń jergilikti atqarýshy organynyń ańshylyq alqapty nemese balyq sharýashylyǵynyń sý aıdyndaryn jáne (nemese) ýchaskelerin bekitip berý týraly sheshiminiń kóshirmesi;
ańshylyq jáne (nemese) balyq sharýashylyqtaryn júrgizýge arnalǵan shart;
sharýashylyqishilik ańshylyq isin uıymdastyrýdyń materıaldary (ańshylyq sharýashylyǵynyń sýbektileri úshin);
«Ákimshilik quqyq buzýshylyqtar jáne olardy jasaǵan adamdar týraly ortalyqtandyrylǵan derekter esebin júrgizý jónindegi nusqaýlyǵyn bekitý týraly» Qazaqstan Respýblıkasy Bas prokýrorynyń 2014 jylǵy 10 qazandaǵy № 114 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 9869 bolyp tirkelgen) nysan boıynsha ákimshilik quqyq buzýshylyqtardy esepke alý jýrnaly;
«Joldamanyń úlgilik nysanyn, sondaı-aq ony berý qaǵıdasyn bekitý týraly» Qazaqstan Respýblıkasy Aýyl sharýashylyǵy mınıstriniń mindetin atqarýshynyń 2015 jylǵy 27 aqpandaǵy № 18-03/145 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 10702 bolyp tirkelgen) nysan boıynsha ańshylyq jáne balyq sharýashylyǵy sýbektileri bergen joldamalardy tirkeý jýrnaly;
ańshylyq alqabynyń karta-shemasy;
ańshylyq sharýashylyǵyn júrgizý jospary;
janýarlardy esepke alý materıaldary;
«Anshlagtarynyń úlgilerin jáne ańshylyq sharýashylyqtar, ósimin molaıtý ýchaskeleri men tynyshtyq aımaqtary, balyq sharýashylyǵy sý aıdyndarynyń jáne (nemese) ýchaskeleriniń shekaralaryn, sondaı-aq ań aýlaý men balyq aýlaý úshin tyıym salynǵan merzimder men oryndardy, balyq resýrstaryn jáne basqa da sý janýarlaryn aýlaýdy esepke alý jýrnalynyń (kásipshilik jýrnaldyń) nysanyn bekitý týraly» Qazaqstan Respýblıkasy Aýyl sharýashylyǵy mınıstriniń 2012 jylǵy 13 naýryzdaǵy № 25-03-02/96 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 7573 bolyp tirkelgen) nysan boıynsha balyq resýrstary men basqa da sý janýarlaryn aýlaýdy esepke alý jýrnaly (kásipshilik jýrnal);
2) aǵa qoryqshy (bolǵan jaǵdaıda), qoryqshy:
ańshylyq jáne (nemese) balyq sharýashylyqtary sýbektileri, olardyń birlestikteri (ańshylar men balyqshylar birlestikterin qosa alǵanda) bergen qyzmettik kýálik;
qoryqshyǵa qoryq ýchaskesin (aınalymdy) bekitip berý týraly ańshylyq jáne (nemese) balyq sharýashylyqtary sýbektileri buıryǵynyń kóshirmesi jáne onyń karta-shemasy;
qyzmettik qarýdy alyp júrýge jáne saqtaýǵa ruqsat.
Buıryq Qazaqstan Respýblıkasynyń Ádilet mınıstrliginde 2015 jylǵy 29 shildede Normatıvtik quqyqtyq kesimderdi memlekettik tirkeýdiń tizilimine №11780 bolyp engizildi.